ملف اكل مصرى صميم: حتى المصريين ميعرفوهوش

طريقة عمل القرنبيط المقلى:
نقطع زهور القرنبيط
ونسلقه فى ماء ساخن نصف سلق
وبعدين نحضر الخلطة اللى هى " لبن ، بيضه، ملعقتين دقيق، ملح ، توابل، بقدونس " ونضع القرنبيط فى الخلطة ثم نقليه فى زيت حاااااار وعميق
وممكن عمل نفس الخلطة للبطاطس
وممكن عمل القرنبيط فى الفرن نحط القرنبيط بعد سلقه فى صينية ثم نضع نفس الخلطة فوقه وندخله الفرن بس المقلى افضل طبعا فى الطعم

صينية الرقاق الطرى باللحمة المفرومه
اولا نجيب الرقاق
ونبلله بالشوربة جيدا ثم نضعه على قماشة كل رقاقه لوحدها حتى يجف
وبعدين نفرده فى الصينية نضع عدد من الرقاقات على بعضها ونحط العصاج " بصل نحمره وعليه لحمة مفرومة و قليل من الصلصة و بقدونس مفروم" وبعدين نحط باقى الرقاق
نصب بعض الشوربة على الرقاق لكن قليييييييييل جدا نوزعها جيدا على الرقاق
ونضعه فى الفرن او نضعه على البوتجاز مع التحريك المستمر للصينية ثم قلبها انا بفضل الفرن اسهل لكن ناس كتيير بتقول البوتجاز افضل
وبعد ما يحمر الرقاق نخرجه من الفرن
انا باكله عند المرحلة دى لكن محتاجاها اطرى ممكن بعد ما يبرد " مش وهو سخن عشان ما يعجنش" نصب عليه بعض الشوربة قليييييييييل جدا برضه كانك بتصبى قطر او شربات على بسبوسة توزعيه على الصينية وخط خفيف من الشوربة

طبق الكبده بالدمعه
المقادير
نصف كجم كبده - نصف كجم طماطم _قليل من الشطه _عصير بصله _ربع راس ثوم مفري - عصير ليمونه -م خل
قليل من الماء -ملح وفلفل -زيت للتحمير
الطريقه
1 -يغسل الكبده ثم تقطع شرائح متوسطة الحجم ويتبل بالملح والفلفل وعصير الليمون والبصل وتترك نصف ساعه
2- تغطى بالدقيق وتحمر في الزيت وترفع ويحمر الثوم مكانها ثم نضيف له عصير الطماطم وتترك على النار تتسبك قليلا ويضاف الخل وقليل من الماء وتتبل
3- تقطع شرائح الكبده المقليه لشرائح اصغر او تترك كما هي وتضاف للصلصه السابقه وتترك بها 10 دقائق حتى تغلي
وتغرف وتجمل بالبقدونس وتقدم ساخنه

كفتة الجمبري
المقادير
1كجم جمبري -نصف فنجان ارز مطحون -2بيضه - م عصير ليمون -م كبيره بقسماط - م بقدونس مفري
1 م دقيق - 1م شبت مفري - 4 فص توم مفروم - كرفس - ملح وفلفل وكمون

الطريقه
1- يغسل الجمبري ويقشر وتنزع سلسلة الظهر والراس والديل ثم يغسل جيدا ويسلق
2- يفرم في المفرمه
3- يخلط الجمبري بالارز المطحون والثوم المفروم والبقدونس والشبت ويتبل بالملح والفلفل والكمون وعصير الليمون ويخلط جيدا
4-تشكل اصابع او دوائر وتقلب في الدقيق ثم البيض المتبل ثم ترش بالبقسماط وتحمر
وتقدم مع السلاطه الخضراء

البليلة
سهلة قوى وكلكم عارفينها انا بس حبيت اذكرها عشان يبقى الملف متكامل
قمح " غله" زى ما بنسميه فى مصر
يغسل وينقع من بالبليل وتانى يوم
نغليه ع النار لحد ما يستوى
وبعدين عند التقديم نضيف لبن و سكر حسب الحاجة
والعاشوراء هى هى البليلة بس بنجيب نشا وندوبه فى لبن ونضيفه عليها لحد ما تتماسك وتزين بالمكسرات حسب الرغبة

السلام عليكم ورحمة الله وبركاته
شكرا على المشاركة الجميلة والمفيده
نرجو تزويدنا بابداعك
مع تحيــــــــــــــــــات
ابو حسين

مشكور على المرور العطر يا ابو حسين

شكرا
علي
الموضوع
الرئع

» مبارك يدعو لإطلاق حملة قومية لإعادة تذكير المصريين بتقليل الإنجاب