عدد الرسائل : 262 العمر : 47 الموقع : الأُردن الاوسمة : السٌّمعَة : 0 نقاط : 0 تاريخ التسجيل : 06/11/2007
موضوع: حلو النسكافيه الثلاثاء يونيو 03, 2008 9:02 am
مرحبابكم
انا قرأت موسعة الكيكات اللي كاتبها محمود بس خفت من ام اربعة واربعين وطلعت دغري من الموضوع بس عجبتني التشيز كيك .. بس انا ما بعملها بطحين ..بعملها بدايجستف وبتطلع اشي زااااكي يعني بالعربي من الاخر
المهم وبدون كثرة حكي بدي اتبلكم اليوم طريقو كيكة النسكافيه بالبسكويت..اسهل ..وازكي..يعني اطيب بس ان شاء الله اقدر اشرح منيح مشان تفهوا علي هي سهله وانا بعملها ب10 دقايق مو اكثر اول شي
بتعملي كريمة... يعني ظرفين دريم ويب مع فنجان حليب ويفضل انه يكون مبستر وبار وبتخفقيها كويس حتى تصير معك كريمه محترمه بعدين بتجيبي علبة قشطة وبتحطيها على الكريم وانتي بتخفي لما تصير مختلطه منيح. - بتجيبي بسكويت سادة (مدور .مربع) هاي مو مشكله وبتحلي شويه نسكافيه مع ماء بارد (بتحلي يعني بتذوبي) يعني انا بكثر مشان يطلع طعم النسكافيه حاد..مثلا 3 ملاعق كبار على كاسة ماء..واذا خلص وانتي بتعملي الحلو عادي ارجعي اعملي كمان كاسه.. - بتغمسي البسكويت بالنسكافية - مو كثير يذوب ويفتفت..ولا قليل يضل ناشف - يعني وسط حسب رغبتك...وبتصفي البسكوتات بالبايركس او اي شي بتحبي تقدمي فيه.. - بتعملي طبقة بسكويت طبقة كريمة... لما تخلصي الكمية..بس مو اضلي تصفي لما يطلع من البايركس يعني اشي ومنه (اشي ومنه؟) -آخر طبقة خليها تكون من الكريمة . -بعدين بتجيبي لوز .. لوز بقشرة اطيب..انا بحط لوز بقشره..(مو القشر البراني - لا الطبقة القشرية الناعمة اللي بتكون على الوز من جوا)
-بتحطيها على النار مع كاسه سكر ..كاسه صغيرة (كاسة الشاي) .. يعني بتحطي لوز وسكر على النار..استعملي المقلاية عادي... وحركيه بملعقة خشب حتى يختلط السكر بالوز وراح يصير معك كراميل ويصير لون السكر غامق وتلبست كل حبات الوز بالسكر المحروق .. بتطفي وبتسكبيه على اي شي مشان يبرد.. يعني على المفرمه على رخامة اي شي.. وبس ينشف ويبرد بدقية حتى يتكسر وبتزيني فية الوجه الكريمة... وقدميها مع القهوه... اشي زااااكي كثير وما راح تقدري الا تعمليها دائما .... وصحتين والف عافية على قلوبكم
اللي فهم اشي يحكيلي رجاءاً لأني عملتها سولافه الها اول ما الها آخر ....
سلام
khaled1212 عضو ماسي
عدد الرسائل : 2380 السٌّمعَة : 1 نقاط : 60 تاريخ التسجيل : 05/10/2007
موضوع: رد: حلو النسكافيه الأربعاء يونيو 11, 2008 8:27 am
مومو
السلام عليكم
والله ما بعرف كيف تطلع هالطبخة يا عمو على اي حال بنجربها اذا طلعت كويسة كان بها واذا ما طلعت يامومو علطول بتدفعي حقهم من غير مناقشات ان شاء الله بتكون كويسة
تحياتي
خالد
ابو حسين مشرف
عدد الرسائل : 2613 الاوسمة : السٌّمعَة : 0 نقاط : 9 تاريخ التسجيل : 09/10/2007
موضوع: رد: حلو النسكافيه الأربعاء يوليو 16, 2008 8:31 pm
السلام عليكم ورحمة الله وبركاته شكرا على المشاركة الجميلة والمفيده نرجو تزويدنا بابداعك مع تحيــــــــــــــــــات ابو حسين
مومو مدير منتدى الاسرة
عدد الرسائل : 262 العمر : 47 الموقع : الأُردن الاوسمة : السٌّمعَة : 0 نقاط : 0 تاريخ التسجيل : 06/11/2007
موضوع: رد: حلو النسكافيه الخميس سبتمبر 18, 2008 12:11 pm
طيب والله العظيم انها زاكيه
جربها يا ابو حسين
ايمان عضو مجلس الادارة ومدير المنتدى الاسلامي
عدد الرسائل : 1593 الاوسمة : السٌّمعَة : 3 نقاط : 4 تاريخ التسجيل : 22/10/2007
موضوع: رد: حلو النسكافيه السبت سبتمبر 20, 2008 3:46 am
مومو
طبق حلو كتير باين عليه منطريقة عملة وخصوصا" الشيئ الجديد فيه
اللوز مع السكر
بس أنا راح أحط اللوز بقشره الخارجي حتى الواحد يحرم يرجع يأخذ مرة ثانية
ههههههههه شفتي كيف الشطارة
مو زيك عامله اللوز بقشرة الداخلي
اليوم راح أجربه وأرد عليك
بااااااايات
ايمان
روعة الكون مدير منتدى الشباب
عدد الرسائل : 2155 الاوسمة : السٌّمعَة : 0 نقاط : 5 تاريخ التسجيل : 05/10/2007
موضوع: رد: حلو النسكافيه السبت سبتمبر 20, 2008 3:30 pm
يسلمووو الايادي اختي مومو
على الكيكه الحلوووه
وشكلها مشهي اختي
تقبلي مروري
جارة القمر عضو جديد
عدد الرسائل : 23 العمر : 40 السٌّمعَة : 0 نقاط : 0 تاريخ التسجيل : 12/09/2008
موضوع: رد: حلو النسكافيه السبت سبتمبر 20, 2008 5:21 pm
يسلمو ابديكي على كتابة الوصفة وهي زاكية كتير
بس عندي احساس انك قليل ما بتعمليها ما بعرف هيك بحس
salamona عضو نشيط
عدد الرسائل : 85 العمر : 32 السٌّمعَة : 0 نقاط : 0 تاريخ التسجيل : 04/09/2008
موضوع: رد: حلو النسكافيه الثلاثاء سبتمبر 23, 2008 6:37 pm
جربناها واكلناها وكثير زاكيه
يسلمو اديكي على الموضوع
سيارات الشباب مشرف
عدد الرسائل : 1770 العمر : 25 الاوسمة : السٌّمعَة : 0 نقاط : 41 تاريخ التسجيل : 09/10/2007
موضوع: رد: حلو النسكافيه الثلاثاء ديسمبر 09, 2008 1:20 pm